(Ingona n'Isake igice ca kabiri)

Ba bakurambere na bo n’ishavu n’akantu baja kuraba ya sake, basanga yibereye i muhira.
Ni ko kuyibaza igituma igambararira abagabo.

Na yo yikora mu gahogo: "Sinkarote ngaya abagabo!"

          Abagabo bagabisha yompi

          Abagabo bakingira abato

          Abagabo ntibavugira Muvumbi ukumuvumba

          Abagabo bagaba igihugu

          Nararirimvye uko nabisabwe

          N’akajwi nacuriwe n’abagabo

          Abantu baravyuka ku mirimo,

          Baravyuka barasubira.

          Haje rugirigiri rwo mu ruzi

          Ruza rwasamye, rugomba kundotsa

          Ngo ndarwima amahoro,

          Ndaruvyura rwiryamiye

          Ngo ngasubira kurukura mu kanwa ruzondya.

Babantu bati: “Wodusubiriramwo?” Ya sake irasubira. Barongera bati: “Igereze aho! Nta kananira abagabo.” Ni ko gutumako ya ngona  naya sake ngo vyagiranye. Ya ngona yabaye igishika ikubise ijisho ya sake irasama iyereka ivyinyo vyayo, eka n’abantu baragira ubwoba. Ya nkoko irasigura uko vyagenze, eka naya ngona ntiyatinye kwemanga ivyo yagize, kuko yari yishimikije igikenye(...)